Оставьте комментарий

Dior

Dior-ԲուրմունքԼեգենդի համաձայն ապագա կուտյուրե Կրիստիան Դիորին մի անգամ գուշակում են, որ նա փառքի կհասնի կանանց շնորհիվ: Տարիներ են անցել, իսկ կանայք չեն դադարում փառքի չափաբաժիններ պարգևել Dior նորաձևության տանը: Մի քանի կրեատիվ տնօրենների փոփոխություններից և բազմաթիվ սկանդալներից հետո Dior ապրանքանիշը հավատարիմ է մնում իրեն և ֆրանսիական շքեղության:Արդեն իր առաջին հավաքածուի մեջ Կրիստիան Դիորը սկիզբ է դնում հիսունականների ոճին, որն արդիական է անգամ այսօր` new look ոճին: New look-ը, որ թարգմանաբար նշանակում է նոր հայացք, նոր տեսք, առաջին հերթին «ավազե ժամացույցի» էլեգանտ ուրվագիծ է` փոքրիկ ուսեր, բարձր կուրծք, բարակ իրան և կլորիկ կոնքեր: Dior զգեստները հիմնականում ունեն խորը դեկոլտե և երկար ու լայն կիսաշրջազգեստ: Թևքերը թույլ են տալիս կրել արիստոկրատ աքսեսուար` ձեռնոց: Ձեռնոցից բացի ակտուալ են վզկապները, ապարանջանները և սուրծայր արևային ակնոցը: Dior-ի այցեքարտերից է նաև լեգենդար Lady Dior պայուսակը, որը կարվում է կաշվից, մեծ չափս ունի, սակայն միաժամանակ շքեղ դիզայն: Նախկինում այս պայուսակը կարող էին ձեռք բերել միայն նախագահների կանայք և աշխարհահռչակ մարդիկ: Առաջին էքսկլյուզիվ մոդելը ձեռք է բերել Ֆրանսիայի այն ժամանակի առաջին տիկին Բեռնադտ Շիրակը: Lady Dior պայուսակի ևս մեկ երկրպագու էր արքայադուստր Դիանան: Ավանդական Lady Dior պայուսակը երեք գույն ուներ միայն` սպիտակ, սև և վարդագույն: Այժմ տեսականին մեծացել է:

Dior-ը քննադատվում է

Նորաձևության տան հավաքածուները հաճախ քննադատության են ենթարկվում: Բալենսիագան համարում էր, որ Կրիստիան Դիորը սարսափելի է աշխատում կտորների հետ, իսկ Կոկո Շանելն ասում էր, որ նա չի հագցնում կանանց. նա նրանց պատում է հագուստով: Կային մեղադրանքներ անորեքսիայի պրոպագանդայի համար: Մի անգամ 40 կգ քաշ ունեցող գերմանացի մոդելին մերժել են աշխատանքի ընդունել` հիմնավորելով, որ նա գեր է:

Նորաձևության տան պատմությունը

Ծնված լինելով հարուստ ընտանիքում` Կրիստիան Դիորը երբեք որևէ բանի կարիք չուներ: Այդ ժամանակ նա միայն մի խնդիր ուներ` ծնողները չէին կիսում արվեստի հանդեպ իրենց որդու կիրքը և ցանկանում էին, որ նա դիվանագետ դառնար: Վերջիվերջո մայրը թույլ է տալիս որդուն սեփական արվեստանոցը բացել միայն մի պայմանով. Դիորը չպետք է հիշատակեր իր ազգանունը, որպեսզի չխայտառակի իր ընտանիքը: Գրեթե քսան տարի անց, երբ Կրիստիանը բացում էր իր նորաձևության տունը, նա խոստովանել էր, որ երբեք դրան չէր գնա, եթե մայրը կենդանի լիներ: Մայրը քաղցկեղից էր մահացել, ինչից հետո ընտանիքը սնանկացել էր: Կրիստիանին աղքատությունից փրկում է միայն իր տաղանդը, ինչը չէր կարող անտարբեր թողնել ժամանակի հայտնի դիզայներներին: Կրիստիանի մահվանից հետո նորաձևության տունն անցնում է իր օգնականին` այդ ժամանակ դեռ անհայտ Իվ Սեն Լոռանին: Նրանից հետո գալիս են Մարկ Բոանն ու Ջանֆրանկո Ֆերրեն: Վերջին տնօրենի` Ջոն Գալյանոյի օրոք Dior-ի ոճը շատ է փոխվում. հավաքածուները լցվում են վառ գույներով և շքեղ կարվածքով զգեստներով:

Ավելացնել մեկնաբանություն

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: